المدونة التالية
كافة المدونات

مقهى المعلم فحمه .كلام حر جدا

سبتمبر 16th, 2008 كتبها hassan omran نشر في , كلام حر جدا , 

لا يوجد تعليق
, 

 

سلام الله عليك يا معلم

عليك السلام يا مورستان أفندى

مالك يا معلم

يا أخى العالم كل يوم بحال تحس إن ليه 100 وش

أكيد يا معلم دنيا ىمصالح

تعرف السياسة دى يا معلم بتبدأ منين

فيدنا الله يفيدك يا مورستان أفندى

تبدأ من المهد

الطفل يسايس أمه علشان يا خد الرضعه

والست تسايس جوزها علشان الأمور تمشى

والواد يسايس أبوه علشان يا خد المصروف

والتلميذ بيسايس الأستاذ علشان يحصل على أعلى الدرجات

والموظف يسايس مديرة علشان يترقى

لكن المشكله يا معلم لما يحصل خلاف

الطفل يتفطم ويتحرم م الرضعه

والست تتطلق

والواد ينطرد فى الشارع

والتلميذ يعيد السنه

والموظف يتحرم م الترقية

علشان كده يا معلم السياسة ملهاش أمان

يا نهار أبيض يا مورستان أفندى

دا مخك يساوى درر

دا أنت نورتنى

أنت علامه وكراس مليان كتوبه

الله ينور مخك زى ما نورتنى

على رأى اللى قال

خدوا الحكمه من مورستان أفندى

جه وقت السحور

 

نسمع الشيخ سيد

وكلام أستاذنا فؤاد حداد

 

بيوت كتيرة

اصحى يا نايم

وحد الدايم

وقول نويت

بكره ان حييت

الشهر صايم

والفجر قايم

اصحى يا نايم

وحد الرزاق

رمضان كريم

*

مسحراتي

منقراتي

طلبت مراتي

مهر الأميرة

وأنا بحر فني

شال ميت جزيره

أنا المغني

لبيوت كتيره

المزيد


مقهى فحمه ….كلام حر جدا

سبتمبر 10th, 2008 كتبها hassan omran نشر في , كلام حر جدا , 

لا يوجد تعليق
, 

سلام الله عليك يا معلم
عليك السلام يا مورستان أفندى
مالك شكلك زعلان قوى النهارده
ايوه يا معلم أنا زعلان من الدكتور زقزوق
ليه كفالله الشر
لسه مصر على توحيد الأذان
أنا سمعت عن الموضوع ده
يعنى الراديو هو اللى يؤذن
طب افرض إن الكهربا قطعت
يبقى حتى فى مصر بتدن وحتى مستنية الكهربا لما تيجى
هأ هأ هأ هااااى ضحكتينى يا معلم
دا يبقى ناقص يعلقوا يافطه على باب الجامع
نأسف للصلاه الكهربا مقطوعه ولا يمكن نصلى إلا على آذان زقزوق
وإ لا تتعرض للمخالفه
والله حا تبقى نكته الموسم دى يا معلم
العلما قالوله إن مساحه القاهرة كبيرة وأختلاف الأذان ليه حكمه
آلاهية وفوائد كتيره
فهمهانى دى يا مورستان أفندى
حاضر يا معلم بس فتح مخك واحد حلبه أو ينسون سكر زياده
ليه أنت حا تقرا ربع
واد يا حركه نزل كل طلبات عمك مورستان أفندى
شوف يا معلم الله سبحانه وتعالى خلق الكون وهو يملكه
وأنت تعرف والعارف لا يعرف
أ×تلاف التوقيت ليه حكمه آيه هى
ذكر أسم الله سبحانه وتعالى على مدار الساعه فى كل الدنيا
زى تتابع القمر والشمس زى دوران الأرض كل جزء من
الثانية تسمع أسم الله وما أجمل أسم الله لما يختلف صوت المؤذن
ده برده ليه حكمه
على كده يا مورستان أفندى دى تبقى حكمه كبيره قوى
أيوه يا معلم منظومه آلاهية ما ينفعش الأخلال بيها
طيب كده الحاج زقزوق شال ذنب
ما دام وصله الحق وهو خالف يبقى حسابه عند الله
يعنى تتسمى بدعه
ايوه يا معلم
على كده ما فيش أمل فى الفقر لآن أحنا دايما نخالف
ربنا يهديه ويرشده للصواب
الراجل دكتور وهو ادرى
وألأحسن يوحد الله ولا يوحد الأذان
كله على الله
نسمع المسحراتى بصوت عم سيد مكاوى و كلام أستاذنا فؤاد حداد

عنتر
اصحى يا نايم
وحد الدايم
وقول نويت
بكره ان حييت
الشهر صايم
والفجر قايم
اصحى يا نايم
وحد الرزاق
رمضان كريم
*
مسحراتي
المزيد