توهان
دايخ وراسى بتلف
باين حالة دوخان
أو يمكن حالة توهان
وصلنى الخبر
زى القدر
عارف يا مصرى
يعنى آيه تبقى مصر
مصر مين
مصر الهرم والنيل
ولا مصر الطيبين
ولا مصرآل النبى
الحسن ويا الحسين
ولا مصر المقدسين
مارى جرجس
والعدرا
وكنيسة الزيتون
هى دى مصر يا مصريين
هى دى اللى قاصدها
بقت أسهم بتداول
فى البورصة
للمثتثمرين
مين يشترى
حلم السنين
حلم الشباب
وحايرسى المزاد بكره
لمين
على اليهود ولا العجم
ونعيش عبيد
جوه البلد
نقول دا كان أسمه هرم
ودا ياولاد عمنا توت
ولا حتشبسوت
ولا نهاجر
ونسيب وطن
كان حلمنا
قصدى اللى كان حلمنا
ونسيب حضن أمنا
لما تفتح قلبها
تلمنا
تضمنا
هو ده معنى الوطن